Tecendo Panos reúne nas súas páxinas os catro relatos galardoados no Certame de Narracións Breves “Manuel Murguia” nas suas VII e VIII convocatórias (1998-1999), concurso que convoca anualmente o Concello de Arteixo e que coordena desde a sua criación en 1991 o escritor Henrique Rabuñal, tamén responsábel da edición deste libro. Este volume suma-se aos intitulados Relatos (1995) e Airadas de palabras (1998) editados tamén por Laiovento. Alfonso Álvarez Cáccamo, Xosé Luís Álvarez, Manuel Riveiro Loureiro e David Pérez Iglesias, son autores, xa coñecidos dos leitores, que nos brindan, desde estéticas e perspectivas complementares, unha nova oportunidade de desfrutar da máxia concentrada e sublime de que se nutre o relato breve. Ilustración da capa: Urbano Lugrís Vadillo.